एमाले र माओवादी केन्द्र ब्युँताउने फैसला विरुद्ध पुनरावलोकनको निवेदन दर्ता

१७ चैत, काठमाडौं । नेकपा माओवादी केन्द्रले नेकपा नाम ऋषि कट्टेललाई दिँदै नेकपा एमाले र माओवादी केन्द्र ब्युँताउने सर्वोच्च अदालतको फैसलाउपर पुनरावलोकनका लागि निवेदन दिएको छ ।

मंगलवार मध्यान्न माओवादी केन्द्रका अध्यक्ष पुष्प कमल दाहाल ‘प्रचण्ड’को नेतृत्वमा नेताहरु र शम्भु थापा लागायतका कानुन व्यवसायीहरु फैसला उपर पुनरावलोकनको निवेदन दर्ताका  लागि सर्वोच्च अदातल पुगेका थिए ।

पुनरावलोकन निवेदन दर्ता गरेको जानकारी पत्रकारहरुलाई दिदै अध्यक्ष प्रचण्डले रिट निवेदकले मागेको  माग भन्दा वाहिर गएर गरिएको फैसाला पुनरावलोकन हुने विश्वास गरे। “सर्वोचच्ले फागुन २३ मा गरेको फैसलामा हामीले असहमती जनाएका थियौं । फैसला स्वाभाविक प्रकृतिको नभएकोले पुनरावलोलन गर्न निवदेन दर्ता गराएको छु ।

विगतमा पनि केही फैसला पुनरावलोकन भएका उदाहरण छन् । हामीलाई विश्वास छ, देशको राजनीतिक स्थायित्वका  लागि एकतावद्ध भइसकेका राजनीतिक दललाई विभाजित गर्ने गरी आएको फैसला अदालतले सच्याउने छ,” अध्यक्ष प्रचण्डले भने। फागुन २३ गते न्यायाधीशहरू कुमार रेग्मी र बमकुमार श्रेष्ठको इजलासले एमाले र माओवादी केन्द्र ब्युँताएको थियो ।