आज तीन कम्पनीको शेयरमूल्य उच्च दरमा वृद्धि

१७ चैत, काठमाडौं । मंगलबार शेयरबजारमा तीन कम्पनीको शेयर ९ प्रतिशत बढिले बढेको छ । आज शेयरबजारमा सानिमा जनरल इन्स्योरेन्स, अजोड इन्स्योरेन्स र जनरल इन्स्योरेन्स कम्पनीको शेयर ९ प्रतिशत बढिले बढेको छ ।

कारोबारको २० मिनेटको अवधिसम्म नेप्से परिसूचक १३ दशमलव १४ अंक बढेर २ हजार ५६ दशमलव ६६ विन्दुमा पुगेको छ । यो अवधिसम्म तीन ओटा निर्जीवन बीमा कम्पनीहरुको शेयरमूल्य उच्च दरमा बढेको छ ।

सानिमा जनरल इन्स्योरेन्सको ९ दशमलव ९७ प्रतिशत, जनरल इन्स्योरेन्सको ९ दशमलव १५ प्रतिशत र अजोड इन्स्योरेन्सको ९ दशमलव ९२ प्रतिशतले शेयरमूल्य बढेको हो ।

सानिमा जनरल इन्स्योरेन्सको प्रतिकित्ता ६४ ले बढेर अन्तिम मूल्य  ७०६, जनरल इन्स्योरेन्सको प्रतिकित्ता  ६३ ले बढेर अन्तिम मूल्य  ६९७ र अजोड इन्स्योरेन्सको प्रतिकित्ता ७७ ले बढेर अन्तिम मूल्य ८५३ कायम भएको हो ।

यी तीन ओटै कम्पनीको शेयर खरीद माग उच्च हुँदा मूल्यमा पनि उच्च वृद्धि देखिएको हो ।