रेशम छुटाउन सरकार सक्रिय

१७ चैत, काठमाडौं । टीकापुर हत्याकाण्डका प्रमुख दोषी ठह¥याई अदालतबाट कसुरदार घोषित रेशम चौधरीलाई रिहा गर्न सरकारी टोलीको सकृयता तीब्र भएको छ । यस प्रयोजनका लागि सरकारले गठन गरेको वार्ता टोलीले सरोकारवाला पक्षहरुसँग आजबाटै छलफल चलाएका छन् ।

सरकारी वार्ता टोली नेता गृहमन्त्री रामबहादुर थापाको अगुवाईमा अहिले थारु कल्याणकारी सभा र थरुहटन थरुवान संयुक्त संघर्ष समिति केन्द्रीय आन्दोलन परिचालन समितिका सदस्यहरुबीच अहिले वार्ता सुरु भएको छ । लामो समयदेखि आन्दोलनमा रहेका थारुहरुसँग प्याकेजमै सहमति गर्ने हेतुले सरकारले वार्ता प्रकृया अगाडि बढाएको हो ।

वार्तामा सरकारका तर्फबाट गृहमन्त्री थापा, सदस्यहरु डा. राजन भट्टराई र पूर्व सांसद् भगवति चौधरी रहेका छन् । यस्तै आन्दोलनकारीका तर्फबाट रुक्मणि चौधरीको संयोजकत्वमा प्रेमलाल चौधरी ,पदमलाल चौधरी,प्रभात चौधरीलगायत छन् । यस्तै थारु कल्याणकारिणी सभाका संयोजक धनिराम चौधरीलगायत नेताहरु सहभागी रहेका छन् ।