निलम्बनमा परेका ११ नेताद्धारा ओलीको कडा आलोचना

१७ चैत, काठमाडौं । एमाले संस्थापनको ६ महिने निलम्बनमा परेका वरिष्ठ नेता माधव कुमार नेपाल र भीम रावलसहित ११ नेताले पार्टी अध्यक्ष केपी ओलीको कडा आलोचना गर्दै विज्ञप्ति निकालेका छन् ।

उनीहरुले सत्ता, शक्ति र स्रोतको उन्मादले ओलीले विभाजनको रेखालाई फराकिलो बनाउँदै नेपाल–रावलसहित सुरेन्द्र पाण्डे र घनश्याम भुसाललाई झूटो लाञ्छना लगाएर स्पष्टीकरण सोध्दै नेपाल र रावललाई त छ महिना निलम्बन गर्नु स्वेच्छाचारी कदम भएको ठहर गरेका छन् ।

ओलीको यस कार्य पार्टीभित्र विचार र संगठनका सम्बन्धमा छलफल र बहसको ढोका बन्द एमालेलाई विभाजन गर्दै छिन्नभिन्न गर्ने दुराशयकै परिणाम भएको संयुक्त वक्तव्यमा उल्लेख छ।