अमेरिकामा प्रहरी अधिकारी डेरेकविरुद्ध सुनुवाइ आरम्भ

१८ चैत, एजेन्सी । अमेरिकामा जोर्ज फ्लोइडको हत्यासम्बन्धी मुद्दामा आरोपित प्रहरी अधिकारी डेरेक चौविनविरुद्ध सुनुवाइ आरम्भ भएको छ। घटनासम्बन्धी सार्वजनिक भिडिओ फुटेजमा श्वेत जातिका चौविनले अश्वेत पुरुष फ्लोइडको गर्दनमाथि घुँडाले थिचिरहेको समाचार उल्ल्ेख गरएिको छ ।

जोर्ज फ्लोइडको मृत्युपछि अमेरिकामा प्रहरी दमन तथा जातिवादलाई लिएर प्रदर्शनको एउटा नयाँ लहर सुरु भयो। तर प्रहरी दमन तथा जातिवाद अन्त्य हुनुपर्ने माग वर्षौँदेखि हुँदै आएको छ।

सडक प्रदर्शनहरू, प्रशिक्षणमा ल्याइने परिवर्तन अथवा क्यामरा प्रविधिको प्रयोगले के अश्वेत अमेरिकीहरूप्रति प्रहरीले गर्ने व्यवहारमा परिवर्तन ल्याउन सक्छन् त भनेर हामीले केलाउने प्रयास गरेका छौँ।

फिलाडेल्फिआमा गरिएको एउटा अध्ययनले २९ वटा घटनालाई हेरेको छ जसमा सन्दिग्ध व्यक्तिले हतियार बोकेको हुनसक्ने ठानेर प्रहरीले भुलवश गोली चलाएका थिए। त्यसरी २५ जना अश्वेत जातिका मानिसमा गोली चलाइएकोमा अध्ययनले उल्लेख गरेको छ ।

धेरै मानिसलाई अधिकारीहरूले अप्रत्यक्ष रूपमा वा कारण थाहै नपाई अश्वेत मानिसहरूलाई एउटा ठूलो चुनौतीको रूपमा हेर्ने गरेको बीबीसीले जनाएको छ । इम्प्लिसिट बायसु अर्थात् अव्यक्त पूर्वाग्रह प्रशिक्षण अहिले ठूल्ठूला कम्पनी तथा संस्थाहरूमा सामान्य भएको छ र अमेरिका लगभग सबै ठूलो प्रहरी बलले यसलाई अङ्गीकार गरेको छ।