चिनियाँ खोप ४० वर्ष माथिकालाई दिइने

१८ चैत, काठमाडौं । चीनले अनुदानमा दिएको कोरोना खोप ४० वर्ष माथिकालाई दिइने तयारी सरकारले गरेको छ । स्वास्थ्य मन्त्रालयका अनुसार चिनियाँ खोप पूर्वाधारका लागि उपयुक्त अस्पतालबाट ४० देखि ५९ वर्ष उमेरका नागरिकलाई दिने तयारी छ ।

उनीहरुका लागि मन्त्रालयले फरक कार्डको व्यवस्था गर्नेछ । चीन सरकारले नेपाललाई ८ लाख डोज खोप अनुदानमा दिएको छ । ती खोप चैत १६ गते नेपाल ल्याइएको थियो । चिनियाँ खोप लगाउने विषयमा खोप सल्लाहकार समितिबाट परामर्श लिएर छिटै निर्णय गर्ने मन्त्रालयले जनाएकाे छ ।