पानी परेपछि झ्याप्प बिजुली गयो

१९ चैत, काठमाडाैं ।  बुधबार साँझ पानी परेपछि काठमाडौं उपत्यकाका धेरै ठाउँमा बिजुली गएको छ । बुधबार राति काठमाडौं उपत्यकाका अधिकांश ठाउँ बिजुली गयो। तीमध्ये केही ठाउँमा राति नै बत्ती आयो, केहीमा आज बिहीबार बिहानसम्म पनि आएको छैन।

नेपाल विद्युत प्राधिकरणले लामो समयपछि परेको पानीले वितरण प्रणालीमा समस्या भएकाले बत्ती गएको जनाएको छ। बुधबार साँझदेखि परेको पानीले हप्ता दिनदेखि बढेको वायु प्रदुषण घट्ने अनुमान गरिएको छ ।

जल तथा मौसम पूर्वानुमान महाशाखाका अनुसार बुधबार काठमाडौं उपत्यकामा ९.८ मिलिमिटर वर्षा भएको थियो। यो गत मंसिर यताकै सबैभन्दा बढी वर्षा हो।