शेयरबजारमा धेरै कमाउन सफल र उच्च शेयर माग भएका कम्पनी ?

१९ चैत, काठमाडौं । नेपाल स्टक एक्सचेञ्ज (नेप्से) मा ७ अर्ब २५ करोड ९ लाख २४ हजार बराबरको शेयर कारोबार भएको छ ।

यो दिन २१८ ओटा कम्पनीको ७४ हजार २०८ पटकको व्यापारमा उक्त रकम बराबरको १ करोड ४३ लाख ९० हजार ४४७ कित्ता शेयर कारोबार भएको हो ।

आज धेरै कमाउने कम्पनी

आज साञ्जेन जलविद्युत्स, युनाइटेड फाइनान्स, किसान लघुवित्त, वोमी लघुवित्त र एनआईसी एशिया लघुवित्तका लगानीकर्ता धेरै कमाएका छन् ।

बैभन्दा बढी साञ्जेन जलविद्युत् कम्पनीको शेयर मूल्य १० प्रतिशतले वृद्धि भएको हो । त्यसैगरी युनाइटेड फाइनान्स कम्पनीको शेयरमूल्य ९ दशमलव ९५ प्रतिशत, किसान लघुवित्त वित्तीय संस्थाको ९ शदमलव ९५ प्रतिशत, वोमी लघुवित्त वित्तीय संस्थाको ९ दशमलव ९४ प्रतिशत, एनआईसी एशिया लघुवित्त वित्तीय संस्थाको ९ शदमलव ९४ प्रतिशतले शेयरमूल्य वृद्धि भएको हो ।

उच्च शेयर माग भएका कम्पनी

नेप्से परिसूचक उच्च विन्दू नजिक पुग्दा एनआईसी एशिया लघुवित्त, वोमी लघुवित्त, महिला लघुवित्त, नबिल ब्यालेन्स फण्ड र अरुण भ्यालीको शेयरमा उच्च माग आएको छ । आज एनआईसी एशिया लघुवित्तको शेयरमा सबैभन्दा बढि माग आएको छ ।

लघुवित्तको शेयरमा ३० लाख कित्ताको लागि माग आउदा बिक्रीकर्ता भने कोही देखिएनन् । त्यस्तै वोमी लघुवित्तको शेयरमा ११ लाख ८९ हजार कित्ताको माग परेको हो ।

त्यस्तै महिला लघुवित्तको शेयरमा ६ लाख १४ हजार कित्ताको माग आउदा बिक्री देखिएनन् । त्यस्तै नबिल ब्यालेन्स फण्ड टू को शेयरमा ६ लाख १३ हजा कित्ता र अरुण भ्यालीको शेयरमा ३ लाख ६० हजार कित्ताको माग आएको हो ।