हातहतियार तथा खरखजाना मुद्दाका फरार अभियुक्त पक्राउ

१९ चैत, बर्दिया । जिल्ला प्रहरी कार्यालय बर्दियाले हातहतियार तथा खरखजाना मुद्दाका फरार अभियुक्तलाई पक्राउ गरेको छ ।हातहतियार तथा खरखजाना मुद्दाका फरार अभियुक्त सुर्खेत बराहताल गाउँपालिका-२ सिस्नेरी बस्ने ३६ वर्षीय रविलाल मन्दिरलाई मंगलबार प्रहरीले पक्राउ गरेको हो ।

बर्दिया राष्ट्रिय निकुञ्जको गस्ती टोलीले गत माघ १६ गते ३ थान भरुवा बन्दुक, सोको १७ थान गोली र २ सय ग्राम बारुद सहित गणेश बहादुर तिवारी र चक्र बहादुर विष्टलाई तत्काल नियन्त्रणमा लिएको थियो ।

उक्त घटनामा संलग्न रहि फरार भएका रविलाललाई जिल्ला प्रहरी कार्यालय बर्दियाबाट खटिएको प्रहरीले पक्राउ गरेको बताएको छ । उनलाई आवश्यक कारवाहीको लागि आजै जिल्ला अदालत बर्दिया पठाइएको जिल्ला प्रहरी कार्यालय बर्दियाले जनाएको छ ।