सेनाको कदमपछि म्यानमारमा ४० भन्दा बढी बालबालिकाको मृत्यु

१९ चैत, काठमाडौं । सेनाको कदमपछि म्यानमारमा ४० भन्दा बढी बालबालिकाको मृत्यु भएको छ । बालअधिकारको क्षेत्रमा काम गर्ने अन्तर्राष्ट्रिय संस्था सेभ द चिल्ड्रेनले सेनाले शासन हातमा लिएपछि म्यानमारमा ४३ बालबालिका मारिएको बताएको हो

सेभ द चिल्ड्रेनका अनुसार मारिने बालबालिकामध्ये केहीलाई सेनाले उनीहरुकै घरमा गएर गोली हानेको बताइएकाे छ । सेनाविरुद्धको आन्दोलनमा अहिलेसम्म ५३६ जनाको मृत्यु भइसकेको छ ।

म्यानमारको लागि राष्ट्रसंघीय दूतले सेनाको दमन बढेसँगै रक्तपात मच्चिने खतरा रहेको बताएका छन् । म्यानमारका धार्मिक सशस्त्र समूहले आक्रमणको चेतावनी दिएसँगै राष्ट्रसंघीय प्रतिनिधिको यस्तो भनाइ आएको हो ।

गत फेब्रुअरी १ मा सेनाले शासन हातमा लिएपछि म्यानमार अशान्त रहँदै आएको छ । सेनाको कदमको विरोधमा हजारौं मानिसले प्रदर्शन गरिरहेका छन् र प्रदर्शनमा सेनाले घातक दमन गर्दै आएको छ ।

छन् ।