पुन: दोस्रो पटक मेलम्ची पानी वितरण कार्यको शुभारम्भ गरिदैं

२० चैत, काठमाडाैं ।  बहुप्रतीक्षित मेलम्ची खानेपानी आयोजनाको पानी आज पुनः दोस्रो पटक औपचारिक रुपमा उद्घाटन गरी काठमाडौं उपत्यकाभित्र वितरण सुरु गरिने भएको छ ।

गत आइतबारबाट  पानी वितरण गर्न थालिएको भएपनि आज राष्ट्रपति विद्यादेवी भण्डारीले  काठमाडौंको भृकुटी माण्डपबाट  धाराको टुटी खोलेर औपचारिक शुभारम्भ गर्ने कार्यक्रम रहेको छ ।

काठमाडौंमा दिउसो विशेष कार्यक्रम गरी उत्सवका रुपमा पानी वितरणको औपचारिक शुभारम्भ गर्न लागिएको खानेपानी मन्त्रालयले जनाएको छ । कार्य्रकम प्रधानमन्त्री केपी शर्मा ओली खानेपानी मन्त्री, उच्च पदस्थ सरकारी अधिकारीहरु लगायत को उपस्थिति रहने छ ।

यसअघि पनि काठमाडौं उपत्यका खानेपानी लिमिटेड केयुकेलका अधिकारी हरुले गत आइतबार नै आयोजनाको पनी पानी अनामनगर घटेकुलो मिनभवन लगायतका स्थानमा वितरण गरिसकेपनि पुनः दोस्रो पटक राष्ट्रपतिले उद्घाटन गर्न लागेकी हुन ।