आईपीएलः सुरुवात म्याचमा च्याम्पिएन मुम्बई र आरसीबीको सम्भावित प्लेइङ–११

२० चैत, काठमाडौं । इण्डियन प्रिमियर लिग ‘आईपीएल’ १४औँ सिजनको अप्रिल ९ अर्थात् २७ चैतदेखि सुरू हुँदैछ । यो पटक उद्घाटन म्याचमा गत सिजनको विजेता मुम्बई इण्डियन्स र रोयल च्यालेन्जर्स बैंग्लोर ‘आरसीबी’ खेल्ने छन् ।

यी दुई टिमबीचको खेल नेपाली समयअनुसार साँझ ७ः४५ बजेदेखि चेन्नईमा सुरू हुनेछ । यो पटक पनि मुम्बईमा रोहित शर्मा र आरसीबीका विराट कोहली कप्तान छन् ।

यो वर्ष आरसीबीले अक्सनबाट ग्लेन म्याक्सेवल, काइल जेमिसन, केन रिचडर्सनलगायत वर्तमान समयका स्टार खेलाडी महँगो मूल्यमा अनुबन्ध गरेको छ ।

आरसीबीको सम्भावित प्लेइङ–११ विराट कोहली (कप्तान), देवदत्त पडीक्कल, एबी डीविलियर्स (विकेटकीपर), ग्लेन म्याक्सवेल, सचिन बेबी, मोहम्मद अजहरुद्दीन, नवदीप सैनी, युजवेन्द्र चहल, काइल जेमिसन, केन रिचर्डसन र वाशिङ्टन सुन्दर ।

आईपीएलमा मुम्बईलाई सधैँ बलियो र सन्तुलित टिमको रूपमा हेरिन्छ । यो पटक पनि मुम्बईलाई उपाधि दाबेदारको टिमको रूपमा हेरिएको छ ।

मुम्बईको सम्भावित प्लेइङ–११ रोहित शर्मा (कप्तान), क्विन्टन डिकक, सूर्यकुमार यादव, इशान किशन (विकेटकीपर), हार्दिक पाण्ड्या, किरण पोलार्ड, क्रुणाल पाण्ड्या, पीयूष चावला, जसप्रीत बुमराह, ट्रेन्ट बोल्ट र एडम मिल्ने ।