महिला सहयात्रा लघुवित्तको सभाले १०.५३ प्रतिशत लाभांश वितरण गर्न दियो स्वीकृत

२० चैत, काठमाडौं । महिला सहयात्रा लघुवित्त वित्तीय संस्था लिमिटेडको आठौँ वार्षिक साधारण सभाले लाभांश वितरण गर्न स्वीकृती दिएको छ । बुधबार सम्पन्न साधारण सभाले लाभांश प्रस्ताव वितरण गर्न स्वीकृती दिएको हो ।

आर्थिक वर्ष २०७६÷७७ को मुनाफाबाट संस्थाका शेयरधनीहरूलाई १० प्रतिशत बोनस शेयर र ०.५३ प्रतिशत गद लाभांश (कर प्रयोजनार्थ) गरी कुल १०।५३ प्रतिशत लाभांश पारित गरेको छ । महिला सहयात्रा लघुवित्तले गत आर्थिक वर्ष २०७६/७७ को नाफाबाट शेयरधनीलाई १ करोड ३३ लाख १० हजार रुपैयाँ बराबरको बोनस शेयर वितरण गर्ने प्रस्ताव गरेको थियो।

फागुन २९ गतेसम्म नेप्सेमा कायम शेयरधनीहरुले मात्र लाभांश पाउने भएका हुन् । गत बर्ष महिला सहयात्रा लघुवित्त वित्तीय संस्थाको सातौ औ वार्षिक साधारणसभाबाट ७.५ प्रतिशत नगद लाभांश र १० प्रतिशत बोनस शेयर दिएको थियो ।