सादा पोशाकमा प्रहरी हुँ भन्दै पैसा माग गर्ने २ जना पक्राउ

२० चैत, कैलाली । कैलाली प्रहरीले व्यापारीलाई ‘प्रहरी हुँ’ भन्दै पैसा माग गरेको अभियोगमा २ जनालाई पक्राउ गरेको छ । जिल्लाको धनगढी उपमहानगरपालिका ५ बस्ने २३ वर्षीय वीरेन्द्र सिंह र सोही उपमहानगरपालिका-२ बस्ने २५ वर्षीय पारस मल्ललाई प्रहरीले पक्राउ गरेको हो ।

कैलाली जिल्लाका विभिन्न स्थानबाट सादा पोशाकमा खटिएको प्रहरी हुँ भन्दै पैसा माग गर्ने गरेको भन्ने सूचनाको आधारमा सुदूरपश्चिम प्रदेश प्रहरी कार्यालय दिपायल र जिल्ला प्रहरी कार्यालय कैलालीबाट खटिएको प्रहरीले उनीहरूलाई स्थानीय व्यापारीबाट नगद ५ हजार माग गरेको अवस्थामा फेला पारी माग गरेको उक्त नगद सहित पक्राउ गरेको हो ।

यस सम्बन्धमा अनुसन्धान भइहेको जिल्ला प्रहरी कार्यालय कैलालीले जनाएको छ ।