पुरानो प्रधानमन्त्री कार्यालयमा सर्दै गृह मन्त्रालय

२० चैत,काठमाडौं । नयाँ वर्षसंगै वैशाख १ देखि गृह मन्त्रालय पहिले प्रधानमन्त्री कार्यालय रहेको भवनमा सर्ने भएको छ । २०७२ वैशाख १२ मा गएको भुकम्पले सिंहदरबारको केही भाग भत्किएपछि प्रधानमन्त्री तथा मन्त्रिपरिषदको कार्यालय तत्कालीन संघीय मामिला तथा सामान्य प्रसासन मन्त्रालयको भवनमा सरेको थियो।

अहिले प्रधानमन्त्री कार्यालय पुरानै स्थानमा सरिसकेको छ । गृह मन्त्रालयका भवन भत्काएर नयाँ भवन बनाउने सरकारको तयारी रहेको हुँदा गृह मन्त्रालय सर्न लागेको हो ।

आज नै गृहमन्त्री रामबहादुर थापाले गृह मन्त्रालय सर्न लागेको भवनको निरीक्षण गरेका छन् ।