पर्साकाे सिक्टा पुलमा १९ वर्षीय युवककाे शव फेला

२० चैत, पर्सा । पर्सा प्रहरीले जगरनाथपुर गाउँपालिकामा एक युवकको शव फेला परेको जनाएकाे छ । जिल्लाकाे जगरनाथपुर–२ लक्ष्मीपुर बस्ने १९ वर्षीय नितेश कुमार चौहान मृत अवस्थामा फेला हाे ।

प्रहरीका अनुसार जगरनाथपुर–५ जानकीटोलास्थित सिक्टा पुलमा बिहीबार राति उनी मृत भेटिएका थिए । स्थानीयले शव देखेपछि प्रहरीलाई खबर गरेका थिए । त्यसपछि प्रहरी घटनास्थलमा पुगेको थियो । घटनास्थल जाँच मुचुल्कापछि शव पोष्टमार्टमका लागि वीरगञ्जको नारायणी अस्पतालमा पठाइएको थियो ।

अस्पतालले दिएको प्रारम्भिक रिपोर्ट अनुसार मृतकको कानको जाली फुटेको, टाउकोको हड्डी भाँचिएको र पेटमा चोटमा लागेर कलेजो फुटेको छ । युवकको मृत्युको कारण यकिन भइसकेको छैन । तर कुनै गाडीले ठक्कर दिएर फरार भएको हुनसक्ने आशंका प्रहरीले गरेको छ ।