प्रतिगमनकारी षड्यन्त्रको अन्त्य भएको छैन: प्रचण्ड
नेपालबहस संवाददाता
चैत २०, २०७७ शुक्रबार २२:५०:१५
२० चैत, काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले प्रतिगमनकारी षड्यन्त्रको अन्त्य नभएको बताएका छन् । शुक्रबार मणिकलाल श्रेष्ठको श्रद्धाञ्जली कार्यक्रममा बोल्दै प्रचण्डले अहिले संघीय लोकतान्त्रिक गणतन्त्रमाथि ठूलो षड्यन्त्र भएको बताएका हुन् ।
संसद् पुनःस्थापना भए पनि त्यस्तो प्रतिगमनकारी षड्यन्त्रको अन्त्य नभएको उनको दाबी छ । ‘गत पुस ५ गते संविधानमा नै नभएको व्यवस्था प्रयोग गरेर संसद् विघटन गरियो । हामी त्यसका विरुद्ध सडकमा गयौँ । सिंगै नेपाली समाज आन्दोलन भयो । र अन्ततस् संसद् पुनःस्थापित भयो । तर फेरि त्यो प्रतिगमनकारी षड्यन्त्रको अन्त्य भएको छैन,’ प्रचण्डले भने ।
अध्यक्ष प्रचण्डले अहिले संविधान, नियम, कानुनले काम नगरेर सेटिङले काम गर्न थालेको पनि दाबी गरे । प्रधानमन्त्री एवं एमाले अध्यक्ष केपी ओलीसँगको विवाद व्यक्तिगत नभएर वैचारिक भएको उनको दाबी छ । ओलीले लिएको बाटो र आफूले लिएको बाटोको कतै तालमेल नुहँदा अहिलेको स्थिति सिर्जना भएको उनले बताए । अहिले प्रतिगमनतिरको यात्रा सरकारबाटै सुरु गरिएको भन्दै उनले त्यसलाई रोक्न संकल्प गर्नुपर्ने बताए ।
वामपन्थी चिन्तक माणिकलाल श्रेष्ठको ८९ वर्षको उमेरमा चैत ३ गते निधन भएको थियो । लामो समयदेखि मिर्गौला र मुटु रोगको समस्याबाट पीडित श्रेष्ठको महाराजगन्जस्थित सहिद गंगालाल हृदय केन्द्रमा उपचारको क्रममा निधन भएको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसभामुख नेतृत्वको प्रतिनिधिमण्डल स्वदेश फिर्ता
चैत १६, २०८० शुक्रबार
सरकारले तोक्यो चैते धानको समर्थन मूल्य
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सभामुख नेतृत्वको प्रतिनिधिमण्डल स्वदेश फिर्ता
चैत १६, २०८० शुक्रबार
पोखराको पर्यटन प्रवर्द्धन गर्न वाणिज्य संघको जिल्ला यात्रा
चैत १६, २०८० शुक्रबार
सुनको मूल्यमा नयाँ रेकर्ड, १ लाख ३० हजारमा कारोबार
चैत १६, २०८० शुक्रबार
अग्नी रेखा निर्माण गर्दै उपभोक्ता
चैत १६, २०८० शुक्रबार
सगरमाथा क्षेत्रमा याकमार्फत सामान ढुवानी
चैत १६, २०८० शुक्रबार
नयाँ शैक्षिक सत्रका लागि पाठ्यपुस्तक
चैत १६, २०८० शुक्रबार