शनिबार थप १२८ जनामा संक्रमणको पुष्टि

२१ चैत, काठमाडौं । नेपालमा शनिबार थप १२८ जनामा कोरोना भाइरस संक्रमणको पुष्टि भएको छ । यो संगै नेपालमा संक्रमितको संख्या दुई लाख ७७ हजार ७६८ पुगेको छ ।

स्वास्थ्य मन्त्रालयका अनुसार कोरोनाका कारण थप १ जनाको मृत्यु भएको छ भने नेपालमा हालसम्म तीन हजार ३२ जनाले कोरोनाका कारण ज्यान गुमाएका छन् । त्यस्तै थप १६१ जना संक्रमित निको भएका छन् भने हालसम्म दुई लाख ७३ हजार १२३ जनाले कोरोना संक्रमणलाई जितेका छन् ।

नेपालमा हाल १६१३ जना आइशोलेशन र ५९ जना क्वारेन्टाइनमा छन् । त्यस्तै हालसम्म २२ लाख ८१ हजार ८३२ वटा पीसीआर गरिएको मन्त्रालयले जनाएको छ ।