राष्ट्रपति खनाल निवास डल्लुमा

२१ चैत, काठमाडौं । राष्ट्रपति विद्यादेवी भण्डारी शनिबार पूर्वप्रधानमन्त्री झलनाथ खनाललाई भेट्न उनकै निवास डल्लु पुगेकी छिन् । राष्ट्रपति भण्डारी आज इतिहासविद् डा. महेशराज पन्तको निवासमा पुस्तकालय उद्घाटन गर्न पुगेकी हुन् ।

त्यसक्रममा राष्ट्रपति भण्डारी नेकपा एमालेका वरिष्ठ नेतासमेत रहेका खनालको स्वास्थ्य अवस्था बुझ्न उनको निवासमा पनि पुगेकी हुन् ।
पूर्वप्रधानमन्त्री खनाल केही समय पहिले भारतमा उपचार गरेर स्वदेश फर्किएका थिए ।

भेटमा वर्तमान राजनीतिक अवस्थाका बारेमा कुराकानी भएको नेता खनालले जानकारी दिए । उनकाअनुसार पार्टी एकताबद्ध भएर जाओस् भन्ने चाहना आफ्‍नो रहेको राष्ट्रपति भण्डारीले बताएकी थिइन् ।