प्रधानमन्त्री ओली मधेस विरोधी : प्रचण्ड

२१ चैत, काठमाडाैं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी ओली मधेस विरोधी भएकाे बताएकाे छन् । शनिबार कपिलवस्तुमा आयोजित जिल्लास्तरीय प्रशिक्षण तथा पार्टी प्रवेश कार्यक्रममा प्रचण्डले ओली मधेस विरोधी भएको भन्दै उनले मधेसको मसिहा ठान्ने केही नेता मन्त्री बन्न ओलीको साथमा जान लागेको बताएका हुन् ।

कार्यक्रममा बाेल्दै प्रचण्डले  नयाँ सरकार गठनका लागि आजैबाट दलहरुसँग छलफल गर्ने  पनि बताएका छन् । नेपालको संविधान पूर्ण नभएको बताउदै प्रचण्डले मधेसी, दलित, महिला र मजदूरका अधिकार सोचेअनुरुप नसमेटिएको बताएका छन् ।

कार्यक्रममा उपस्थित स्थानीयलाई बुझ्‍न सहज हुने भन्दै हिन्दी भाषामा सम्बोधन गरेका दाहालले संविधान घोषणा हुँदा आफूले ‘नोट अफ डिसेन्ट’ राखेकोसमेत स्मरण गरे।