सिटी स्पेशलिटी हेल्थ क्लिनिकको निशुल्क स्वास्थ्य शिविरमा २२३ जनाले गराए उपचार

२२ चैत, काठमाडौं । काठमाडौँको अनामनगर चोकमा आज सम्पन्न बाथरोग, मधुमेह, थाइराइड तथा मिर्गौला रोगको निःशुल्क स्वास्थ्य परीक्षण तथा रब्क्तदान कार्यक्रममा २२३ जना सहभागी भएका छन् ।

सहभागीहरुको निशुल्क स्वास्थ्य जाँच, रगत जाँच तथा औषधी वितरण गरिएको आयोजक संस्था सिटी स्पेशलिटी हेल्थ क्लिनिकको प्रवन्ध निर्देशक मीना थापा मगरले बताइन् । सो अवसरमा एक सय ११ जनाले रक्क्तदान समेत गरेका मगरले बताइन् ।

शिविरमा सीबीसी, इएसआर, सुगर, युरिक एसिड, क्रिटिनाइन, एसजीपीटी, आरए फ्याक्टर, यूरीन आदिको निःशुल्क जाँचको व्यवस्था गरिएको थियो ।

साथै थाइराइड जाँच (टिएसएच)  १५०, मुटुको जाँच (इसीजी)  १०० र अन्य जाँचमा २५ प्रतिशत छुटको व्यवस्था समेत शिविरमा गरिएको गरिएको सिटी स्पेशलिटी हेल्थ क्लिनिकका प्रवन्ध निर्देशक मगरले जानकारी दिइन् । त्रिवेणी युवा क्लब सहकार्यमा रक्तदान कार्यक्रम समेत सञ्चालन भएको छ ।

सिटी स्पेशलिटी हेल्थ क्लिनिक र त्रिवेणी युवा क्लब, काठमाण्डौ महानगर वडा कार्यालय २९, शिखर युवा क्लब, कालिका महाबिर स्पोर्ट क्लब, वीर गणेशमान सिंह, नागरिक सेवा केन्द्र र सामुदायिक प्रहरी सेवा केन्द्रको संयुक्त आयोजनामा निशुल्क स्वास्थ्य परीक्षण कार्यक्रम सञ्चालन भएको हो ।