बिजुली सर्ट हुँदा काठमाडौं जैसीदेवलमा आगलागी

२२ चैत, काठमाडौं । आइतबार बिहान करिब १० बजेतिर काठमाडौं महानगरपालिका वडा नम्बर २० जैसिदेवलको एक घरमा आगलागी भएको छ। आगलागी बिजुली सर्ट भएर लागेको महानगरीय प्रहरी परिसर काठमाडौंले जनाएको छ ।

जैसिदेवलका रत्नलक्ष्मी रञ्जितको चार तले घरमा आगलागी भएको हो । दमकल र पानी ट्यांकरको सहयोगमा प्रहरी र स्थानीयले आगो नियन्त्रणमा लिएका छन् । आगलागीबाट धेरै क्षति हुन नपाएको प्रहरीले जनाएको छ।