शेयरबजारले कायम गर्यो नयाँ रेकर्ड, परिसूचक उच्च विन्दूमा

२२ चैत, काठमाडौं । शेयरबजारले उच्च विन्दू कायम गरेको छ । आइतबार नेप्से परिसूचकले पुनः नयाँ रेकर्ड कायम गरेको हो । साताको पहिलो दिन आज (आइतबार) प्रिओपन सेसन कारोबारमा नेप्से परिसूचक २६.४१ अंकले बढेर २६५८.३० विन्दुमा पुगी नेप्से अलटाइम हाइको बिन्दुमा पुगेको हो ।

यसअघि फागुन ९ गते २६४० को बिन्दुमा पुगेर नयाँ रेकर्ड राखेको राखेको थियो । सेयर बजारले आज पुनः नयाँ रेकर्ड राखेको हो । लगानीकर्ताहरुले मनोबल बढाएसँगै सेयर बजारमा पुनः रौनकता देखिएको छ ।

यो समाचार तयार पर्दासम्म नेप्से २१ अंकले बढेर २६५३.२२ को बिन्दुमा पुगेको छ । यस्तै सेन्सेटिभ परिसूचक ३.४० अंकले बढेर ४६९.८१ क बिन्दुमा पुगेको छ ।