फेरि अलमलियो सरकार गठन प्रक्रिया
नेपालबहस संवाददाता
चैत २२, २०७७ आइतबार १९:१:२५
२२ चैत, काठमाडौं । शुक्रबार साँझ नेपाली कांग्रेसको केन्द्रीय कार्यसमितिले प्रधानमन्त्री केपी ओलीको राजीनामा माग्ने र नयाँ सरकार गठनका लागि अग्रसरता लिने निर्णय लिएपछि नेकपा माओवादी केन्द्र उत्साहित भएको छ ।
पार्टी कामको सिलसिलामा राजधानी बाहिर रहेका माओवादी अध्यक्ष पुष्पकमल दाहाल ‘प्रचण्ड’ शनिबार बिहानै राजधानी फर्किए । उनले अब राजनीतिले कोल्टे फेरेको टिप्पणी गरेका थिए । सोही बमोजिम उनले कांग्रेस र जनता समाजवादी पार्टीका नेताहरुसँग अनौपचारिक छलफल गरे ।
छलफल सकारात्मक रहेको भन्दै आजका लागि स्थायी कमिटी बैठक पनि डाकियो । तर आज बिहान ११ बजेका लागि बोलाइएको स्थायी कमिटी बैठक बसेन । कारण, धेरै नेता राजधानी बाहिर भएकाले भनियो । तर धेरै नेता यहीं छन् ।
आज बिहान प्रचण्ड र नेकपा एमालेका वरिष्ठ नेता माधवकुमार नेपालबीच टेलिफोन वार्ता भयो । सो वार्ता भने नयाँ परिवेश निर्माणका लागि सहयोगी बन्यो । जनता समाजवादी पार्टीसँग निर्णायक वार्ता नभइञ्जेल ओली सरकारमाथिको समर्थन फिर्ता लिंदा अर्काे संकट आइलाग्ने निश्कर्ष नेताद्वयले निकाले ।
यसको छनक हिजै प्रधानमन्त्री ओलीले दिइसकेका थिए । ओलीले माओवादीलाई समर्थन फिर्ता लिन चुनौती दिएका छन् । उनले भनेका छन्– समर्थन फिर्ता लिए , राजीनामा दिन्छु । तर उनको यो अभिव्यक्ति भित्र कुटिलता लुकेको छ । किनभने माओवादीले समर्थन फिर्ता लिने वित्तिकै राजनीतिले नयाँ कोर्ष लिने देखिन्छ ।
प्रचण्ड र माधव नेपालले गरेको अनुमान गलत छैन । किनभने ओलीले चाहेको पनि त्यही हो । कसैले पनि नयाँ सरकार गठन गर्न नसकुन् भन्ने उनको चाहना हो । सरकार बनाउन निर्णायक भूमिकामा रहेको जसपाले ठोस निर्णय नलिएसम्म नयाँ सरकार बन्न सक्दैन । बरु यसका लागि ओली जस्तो सुकै सम्झौता गर्न तयार छन् ।
ओलीले भित्रभित्रै गरेको समझदारी अनुसार, जसपाले उठाएका सबै माग पूरा गर्ने हो । त्यस वापत जसपाले सरकारका विषयमा तटस्थता देखाउनुपर्नेछ । ओलीको सर्त बमोजिम मान्न महन्थ ठाकुर तयार देखिएकाछन् । सम्भवतः आज भोलि नै सरकारले रेशम चौधरीको रिहाई र लाल आयोगको प्रतिवेदन सार्वजनिक गर्ने निर्णय गर्ने छ । त्यो गुण लगाए वापत ठाकुर र राजेन्द्र महतोहरु ओलीविरुद्धको सम्भावित अविश्वास प्रस्तावमा तटस्थ बस्ने छन् । यस्तो अवस्थामा फेरि पनि चुनाव मात्रै विकल्पका रुपमा रहनेछ । यसबारे प्रचण्ड र नेपालले जानकारी पाएपछि आजको समर्थन फिर्ता लिने निर्णय फेरि लम्बिएको हो ।
ओलीको यो चाहनामा नेपाली कांग्रेसको संस्थापन पक्षसमेतको समर्थन रहेको छ । पार्टीले औपचारिक रुपमा नयाँ सरकार निर्माणको निर्णय गरेपनि सभापति शेरबहादुर देउवा भने भित्रैबाट तयार छैनन् । उनी चाहन्छन्–जसरी ०७४ को आम निर्वाचनमा दुई ठूला कम्युनिष्ट मिलेर कांग्रेसलाई धूलो चटाए, ठीक त्यही अवस्थामा ओलीले नयाँ चुनाव गरुन् ।
त्यसको राजनीतिक लाभ आफूलाई हुने उनको बुझाई रहेकोछ । तत्काल चुनाव हँदा मात्रै त्यस्तो सम्भावना रहेको छ । जति लामो समय चुनाव रोकिन्छ,त्यति नै कांग्रेसलाई क्षति पुग्न सक्ने अनुमान देउवाको रहेको छ । त्यसैले ओलीले चुनाव गराउन भन्ने चाहना देउवाको रहेको छ ।
देउवाको चाहनामा शुक्रबारको निर्णय कांग्रेसले लिएको होइन । त्यसैले दिउँसो २ बजेका लागि बोलाइएको कार्यसमिति बैठक यही विषयमा गलफत्ती परेकाले राति ८ बजे मात्रै बस्यो । सरकारको राजीनामा माग्ने र आफ्नै अग्रसरतामा नयाँ सरकार निर्माणको पहल गर्ने निर्णय गराउन वरिष्ठ नेता रामचन्द्र पौडेल र पूर्व महामन्त्री कृष्णप्रसाद सिटौलाले धेरै नै मिहेनेत गरेका थिए ।
स्रोतका अनुमार , पौडेल र सिटौला पक्षले पहिलो अजेण्डाका रुपमा नयाँ सरकारको विषय प्रवेश गराउने थाहा पाएपछि देउवा विच्किएका थिए । तर वरिष्ठ नेता पौडेलले उपसभापति विमलेन्द्र निधिमार्फत देउवालाई नयाँ सरकार बनाउन पहल गर्ने सहमति जुटाएका हुन् ।
खासगरी जसपाले समर्थन नगर्ने र बेबकूफ बनाउने अनुमान देउवाको रहेको छ । कांग्रेसले जसपाको सिंगो समर्थन नपाएसम्म सत्तामा जाने कुरा गर्दा आलोकाँचो हुने बताउने गरेको छ । तर नेता पौडेलले राजेन्द्र महतो र महन्थ ठाकुरलाई आफैं कन्भिन्स गर्ने वचन दिएपछि मात्र देउवा यस्तो निर्णय लिन तयार भएका हुन् ।
तर अहिले विकसित नयाँ परिवेशमा फेरि सरकार निर्माणको सन्दर्भ अलमलमा परेको छ । यसको निकास जसपाको आगामी कदमले मात्र निर्धारण गर्न सक्ने अवस्था रहेको छ । त्यसैले फेरि पनि जसपाकै कोर्टमा बल पुगेको देखिन्छ । उसले जसरी पास गर्छ त्यसैमा नयाँ सरकार वा मध्यावधि निर्वाचन भन्ने टुंगो लाग्ने देखिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
राहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
इलाम उपनिर्वाचनमा कांग्रेस
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
बागमती मन्त्रिपरिषद् बैठक : लैङ्गिक तथा यौनिक अल्पसङ्ख्यक नीति स्वीकृत
बैशाख १२, २०८१ बुधबार
स्याङ्जामा आगोले पाइप जलेपछि खानेपानीको समस्या
बैशाख १२, २०८१ बुधबार
खोटाङमा डढेलो निभाउने क्रममा जलेर वृद्धको मृत्यु
बैशाख १२, २०८१ बुधबार
महोत्तरीको मटिहानीमा आगोले बस्ती नै सखाप
बैशाख १२, २०८१ बुधबार
इलाम उपनिर्वाचनमा कांग्रेस
बैशाख १२, २०८१ बुधबार
पूर्वसभामुख अग्नि सापकोटाविरुद्धको मुद्दामा 'हेर्दहेर्दै', अर्को सुनुवाई जेठ २३ मा हुने
बैशाख १२, २०८१ बुधबार