खनाल–नेपाल समूह समानान्तर कमिटी, काठमाडौंमा महर्जन नयाँ अध्यक्ष

२१ चैत, काठमाडाैं । नेपाल कम्युनिष्ट पार्टी एमाले भित्र चर्किएको विवाद थप पेचिलो हुने चरणमा पुगेको छ । पार्टी अध्यक्षसमेत रहेका प्रधानमन्त्री केपी ओलीले चार जना वरिष्ठ नेताहरुमाथि अनुशासनको कारबाही गरेपछि देशव्यापी रुपमै समानान्तर संगठन निर्माण प्रकृयाले गति लिएको छ ।

यसैक्रममा आज राजधानी काठमाडौंमा समेत झलनाथ खनाल – माधवकुमार नेपाल पक्षले समानान्तर कमिटी गठन गरेको छ । काठमाडौं अध्यक्षमा वसन्त महर्जनलाई जिम्मेवारी दिइएको छ । महर्जन बाग्मती प्रदेशका सांसद हुन् ।

बबरमहल स्थित एक पार्टी पार्टी प्यालेसमा आयोजना गरिएको सो घोषणा सभालाई नेताद्वय खनाल र नेपालले समेत संवोधन गर्दैछन् ।यो समूहले देशव्यापी रुपमै समानान्तर कमिटी बनाउने क्रम थालेको छ । आगामी दुई महिना संगठन निर्माणमा लाग्ने कार्यक्रम तय भइसकेको छ । वडा तहसम्म नै समानान्तर कमिटी गठन गर्ने जनाइएको छ ।