नीताले घोषणा गरिन ‘श्रीमद्भागवत गीता’

काठमाडौं । नायिका नीता ढुंगानाले निर्माण तथा निर्देशन गर्न लागेको वेव सिरिज ‘श्रीमद्भागवत गीता’को घोषणा गरेकी छिन् । नीता फिल्मसको दोश्रो प्रस्तुतिको रुपमा निर्माण हुन लागेको यो सिरिजमा शीतल गिरीको शब्द, पुष्पन प्रधानको संगीत तथा स्वर रहनेछ ।

नेपालमा पहिलो पटक भन्न लागेको ‘श्रीमद्भागवत गीता’को सिरिजमा महाभारतको कृष्ण र अर्जुनको पाटो मात्र समावेश हुने नीताले बताएकी छिन् । गीतामा रहेक ७०० श्लोकबाट ४५ भागको सिरिज निर्माण हुनेछ । सिरिजको कोरियोग्राफी रामजी लामिछानेले गर्नेछन् भने वनिष शाहले सम्पादन गर्ने छन् ।