नौ प्रतिशत बढिले शेयरमूल्य वृद्धि भएका सात कम्पनी, प्रतिशेयरमूल्य कुनकाे कति ?

२० चैत, काठमाडौं । साताको पहिलो कारोबार दिन आइतबार नेप्से परिसूचक उच्च विन्दूमा पुगेको छ । आज नेप्से परिसूचक २१ दशमलव २८ अंकले बढेर २६ सय ५३ दशमलव १८ विन्दूमा पुगेको हो । यो हालसम्मको उच्च हो । नेप्सेले नयाँ रेकर्ड कायम गर्दा सात कम्पनीको शेयर ९ प्रतिशत बढिले वृद्धि भएको छ ।

आज नेप्सेमा सबैभन्दा बढि वोमी लघुवित्तको शेयर ९.९९ प्रतिशतले बढेको हो । आज वोमी लघुविततका लगानीकर्ताले सबैभन्दा बढि नाफा कमाउन सफल भएका छन् । त्यस्तै, जनरल इन्स्योरेन्स कम्पनी ९.९९, राधी जलविद्युत ९.९८, आईएमई जनरल ९.९७, एनआईशी एशिया लघुवित्त ९.९५, सानीमा जनलरको ९.९३, सान्जेन जलविद्युत ९.८७ प्रतिशतले शेयरमूल्य बढेको हो ।

आज वोमी लघुवित्तको प्रतिशेयरमूल्य १५०८ पुगेको छ । त्यस्तै, जनरल इन्स्योरेन्स कम्पनी ७९८ रुपैयाँ, राधी जलविद्युत ४४० रुपैयाँ, आईएमई जनरलको१३१३ रुपैयाँ, एनआईशी एशिया लघुवित्तको ९६१ रुपैयाँ, सानिमा जनरलको ८१९, सान्जे जलविद्युतको ४२३ रुपैयाँ प्रतिशेयरमूल्य पुगेको छ ।

 यी कम्पनीको शेयरमा उच्च माग ?

आइतबार एनआईसी एशिया लघुवित्तको शेयरमा उच्च माग देखिएको छ । आज लघुवित्तको शेयरमा ७ लाख १४ हजार कित्ताको माग आएको छ । लघुविततको शेयरमा उच्च खरिद माग आएपनि बिक्रीकर्ता भने कोही देखिएका छैनन् ।

त्यस्तै, वोमी लघुवित्त, महिला लघुवित्त, गोर्खाज फाइनान्स कम्पनी र निफ्राको शेयरमा उच्च माग आएको छ । आज वोमी लघुवित्तको शेयरमा ३ लाख ७२ हजार, महिला लघुवित्तको शेयरमा ३ लाख ४४ हजार, गोर्खाज फाइनान्स कम्पनीको शेयरमा ३ लाख ४२ हजार र निफ्राको शेयरमा ३ लाख ४० हजार कित्ताको शेयर माग देखिएको हो ।

यी पाँच वटै कम्पनीको शेयरमा शेयरमा बिक्रीकर्ता खासै छैनन् । गोर्खाज फाइनान्सको शेयर ७० हजार र निफ्राको शेयरमा १ लाख ८५ कित्ता बिक्रीकर्ता देखिएका छन् ।