अनेरास्ववियुले सोध्यो तीन नेतालाई २४ घण्टे स्पष्टीकरण

२२ चैत, काठमाडौं । नेपाल कम्युनिष्ट पार्टी ‘एमाले’ सम्बद्ध विद्यार्थी संगठन अनेरास्ववियुले समानान्तर कमिटी बनाउने नेताहरुलाई स्पष्टीकरण सोधेको छ । अनेरास्ववियुको अध्यक्ष ऐन महरले समानान्तर कमिटी बनाउनु पर्ने कारणको आइतबार एक विज्ञप्ति जारी गरी नेताहरुलाई स्पष्टीकरण सोधेको हो ।

स्पष्टीकरण सोधिनेमा निवर्तमान सचिव सुदेश पराजुली, वसिम आलम र आरती लामा रहेका छन् । हालै सम्पन्न माधव नेपाल पक्षीय भेलाले पराजुली अध्यक्ष, आलम सहअध्यक्ष र लामालाई महासचिव चयन गरेको थियो ।

पार्टी भित्र नेपाल पक्षमाथि कारबाही थालेकै शैलीमा अनेरास्ववियुले विद्यार्थी संगठनमा पनी कारबाही प्रक्रिया अगाडि बढाएको हो । अध्यक्ष महरले उनीहरुलाई २४ घण्टे स्पष्टीकरण माग्दै निर्धारित अवधिमा कुनै प्रतिक्रिया प्राप्त नभएमा विधान बमोजिम कारबाही गर्ने चेतावनी दिएका छन् ।