नेपालमा चैत १५ गतेदेखि भेरोसेल खोप लगाइने

२२ चैत, काठमाडौं । नेपाललाई चीनले अनुदानमा उपलब्ध गराएको कोभिड–१९ विरुद्धको खोप ‘भेरोसेल’ चैत १५ देखि लगाइने भएको छ।स्वास्थ्य मन्त्रालयका प्रवक्ता डा.जागेश्वर गौतमका अनुसार यो खोप अत्यावश्यक सेवामा खटिने व्यक्तिहरु र चीनमा अध्ययन गर्न जान तयारी गरेका विद्यार्थीले लगाउन पाउनेछन्।

यो खोप ६० वर्ष उमेभन्दा माथिका व्यक्तिलाई लगाउन मिल्दैन। मन्त्रालयले यसअघि नै ४० देखि ५९ वर्ष उमेर समूहका लागि यो खोप दिइने निर्णय गरिसकेको छ। स्वास्थ्य तथा जनसंख्या मन्त्रालयले खोप काठमाडौं उपत्यकाका अस्पताल र प्रदेशस्तरीय अस्पतालमा मात्रै लगाउने योजना बनाएको प्रवक्ता प्रा.डा गौतमले जानकारी दिए ।

चिनियाँ खोप कम्पनी सिनोफार्मअन्तर्गतको बेइजिङ इन्स्टिच्युट अफ बायोलोजिकल प्रडक्ट कम्पनी लिमिटेडले उत्पादन गरेको सार्स कोभ–२ भ्याक्सिन ‘भेरोसेल’ खोपको आठ लाख डोज १६ चैतमा नेपाल ल्याइएको थियो।