नेपालबहस समाचार प्रभाव : राष्ट्र बैंककी निर्देशक रिजाल पक्राउ

२२ चैत, काठमाडौं। नेपाल राष्ट्र बैंकमा कार्यरत निर्देशक सुष्मा रिजाल रेग्मी पक्राउ परेकी छिन् । आफ्नै आमाको जायजेथा र श्रीसम्पत्ति हत्याएको आरोप लागेको उनलाई आज प्रहरीले पक्राउ गरेको छ ।

उनलाई जेष्ठ नागरिकको सम्पत्ति हिनामिना गरेको भन्ने आरोप लागेको छ । सम्पत्ति हिनामिना गरेको भन्‍दै सरकारी वकिलको कार्यालयमा जाहेरी परेको थियो । अदालतबाट पक्राउ पुर्जी जारी गरे पश्चात उनलाई पक्राउ गरिएको हो ।

ललितपुर २ सानेपा घर भएकी उनी आफै जागिरे मात्रै होइन, सरकारी जागिरेकी श्रीमति पनि हुन् । रिजालले गरेको कर्तुतका बारेमा नेपालबहस डटकमले समाचार प्रकाशन गरेको थियो । समाचार प्रकानश भएपश्चात राष्ट्र बैंक भित्र र बैंकिङ क्षेत्रमा नै नेपालबहस डटकममा प्रकाशन भएको समाचारलाई लिएर खैलाबैला मच्चिएको थियो । नेपालबहस डटकमले समाचार ब्रेक गरेपछि उनीविरुद्ध प्रहरीले पनि थप अनुसन्धान थालेको थियो ।

हेर्नुहोस्, नेपालबहसमा राष्ट्र बैंककी निर्देशकले गरेको कर्तुतबारे प्रकाशन भएका समाचारहरु :

राष्ट्र बैंककी जागिरे छोरी :- जसले किर्ते हस्ताक्षर गरेर बृद्ध आमाको करोडौं सम्पति हत्याइन् (श्रृङ्खला–१)

राष्ट्र बैंककी निर्देशक सुष्माले यसरी लुटिन् आमाको करोडौं रुपैयाँ, जग्गा र सुनचाँदी (श्रृङ्खला-२)