ठूलो परिमाणमा गाँजासहित ३ जना पक्राउ

२३ चैत, पर्सा । नेपाल प्रहरीले ठूलो परिमाणमा गाँजासहित परवानीपुरबाट तीन जनालाई पक्राउ गरेको छ । मकवानपुर राक्सिराङ गा.पा. वडा नं. ७ खर्लिङग बस्ने वर्ष ४३ को जय बहादुर गोले र जिल्ला मकवानपुर राक्सिराङ गा.पा.वडा नं.७ खर्लिङग बस्ने वर्ष ३५ को बिष्णुमाया तामाङ र जि.मकवानपुर मनहरी गा.पा. वडा नं. ८ मनहरी बस्ने वर्ष २८ को मुईया परियारलाइ प्रहरीले पक्राउ गरेको हाे  ।

जिल्ला पर्सा बीरगञ्ज म.न.पा.वडा नं.२१ परवानीपुर स्थित हातमा दुई वटा जेब्रा झोला बोकी बीरगञ्ज तर्फ आउँदै गरेको अवस्थामा तिनै जनालाई पक्राउ गरिएको हो ।

पर्साका प्रवक्ता डीएसपी प्रल्हाद कार्कीका अनुसार निजहरु माथि शंका लागि जाँच गर्ने क्रममा उक्त झोला भित्र ५/५ केजीको दरले लागु औषध गाँजा १० केजी उनीहरुको साथबाट बरामद भएको थियो । उनीहरूलाई नियन्त्रणमा लिएर लागु औषध सम्बन्धी कसूर मुद्दामा अनुसन्धान प्रकृया अगाडि बढाइएको डीएसपी कार्कीले बताए ।