९ सय एम्पुल लागुऔषधसहित एक जना पक्राउ

२३ चैत, पर्सा । पर्सा प्रहरीले ९ सय एम्पुल लागुऔषधसहित १ जनालाई पक्राउ गरेको छ । जिल्ला पर्सा बीरगञ्ज महानगरपालिका वडा नं.१६ शंकराचार्य गेट स्थितमा खटिएको यस कार्यालय मातहत प्र.चौ.ईनर्वाको प्रहरी टोलीले शंकाष्पद रुपमा हिँडिरहेको अवस्थामा २८ बर्षिय यूवकलाई पक्राउ गरेको हो ।

प्रहरीले हिँडिरहेका युवकलाई जाँच गर्ने क्रममा निजको शरीर रीतपूर्वक खानतलासी गर्दा निजले बोकेको कालो ब्याग भित्र लुकाइछिपाई ल्याएको लागु औषध डाईजेपाम ३०० एम्पुल, फेनारगन ३०० एम्पुल र नुर्फिन ३०० एम्पुल गरी जम्मा ९०० एम्पुल फेला परेकोले उक्त लागु औषध बरामद गरी निजलाई नियन्त्रणमा लिएको बताएको छ ।

पक्राउ परेका अफरोज आलमलाई लागु औषध सम्बन्धी कसूर मुद्दामा थप अनुसन्धान अगाडि बढाइएको पर्सा प्रहरीले अनुसन्धान गरिरहेको प्रहरी नायव उपरीक्षक प्रल्हाद कार्की बताए ।