एनआईसी एशिया लघुवित्तको शेयरमा माग उच्च, शेयरमूल्य ९.९९ प्रतिशतले वृद्धि

२३ चैत, काठमाडौं । स्वदेशी लघुवित्त वित्तीय संस्थालाई गाभेर एकीकृत कारोबार शुरु गरेको एनआईसी एशिया लघुवित्त वित्तीय संस्थाको शेयरमूल्य अघिल्लो कारोबार दिनको तुलनामा ९ दशमलव ९९ प्रतिशतले वृद्धि भएको छ ।

यो समाचार तयार पार्दाको अवधि २ः३० बजेसम्ममा कम्पनीको शेयरमूल्य ९६ रुपैयाँले बढेर प्रतिकित्ता १०५७ पुगेको छ । कम्पनीको शेयरमा विक्रेताभन्दा क्रेता धरै भएकाले शेयर मूल्यमा वृद्धि भएको हो । उक्त अवधिसम्ममा कम्पनीको शेयरमा सबैभन्दा बढी अर्थात् ८ लाख १४ हजार ४५४ कित्ता खरीद माग रहेको छ भने विक्रेता शून्य रहेको छ ।

अर्को वित्त कम्पनीलाई गाभेपछि एनआईसी एशिया लघुवित्त कम्पनीको शेयर मूल्य गत चैत १८ गतेदेखि दोस्रो बजारमा कारोबारमा आएको हो । एक आपसमा मर्जर पश्चात पहिलो कारोबारको लागि नेप्सेले  ७६५ दशमलव १२ तोेकेको थियो

मर्जर भएपछि कम्पनीले गत चैत ८ गतेदेखि एकीकृत कारोबार शुरु गरेको हो ।