यी कम्पनीको शेयर खरिद गर्न लाग्यो लगानीकर्ताको भिड !

२३ चैत, काठमाडौं ।आज नेप्से सामान्य अंकले बढेको छ । सामान्य अंकले बढेको बजारमा पाँच कम्पनीको शेयर खरिद गर्न लगानीकर्ता भीड लागेको हो ।

आज सबैभन्दा बढि एनआईशी एशिया लघुवित्तको शेयरखरिद गर्न लागनीकर्ताको भीड लागेको हो । हालैमात्र स्वदेशी लघुवित्त वित्तीय संस्थालाई गाभेर एकीकृत कारोबार शुरु गरेको एनआईसी एशिया लघुवित्त वित्तीय संस्थाको शेयर किन्नेको भीड लागेको हो ।

आज लघुवित्तको शेयरमूल्य पनि ९ दशमलव ९९ प्रतिशतले वृद्धि भएको छ ।लघुवित्त कम्पनीको शेयरमूल्य आज ९६ रुपैयाँले बढेर प्रतिकित्ता १०५७ पुगेको छ । कम्पनीको शेयरमा विक्रेताभन्दा क्रेता धरै भएकाले शेयर मूल्यमा वृद्धि भएको हो ।

उक्त अवधिसम्ममा कम्पनीको शेयरमा सबैभन्दा बढी अर्थात्  ९ लाख  कित्ता खरीद माग रहेको छ भने विक्रेता शून्य रहेको छ ।

त्यस्तै, आज ग्लोब आईएमई समुन्नत, निफ्रा, एनआईसी एशिया ब्यालेन्स फण्ड र महिला लघुवित्तको शेयर खरिदमा लगानीकर्ताको भीड लागेको हो । आज ग्लोब आईएमई समुन्नतको शेयरमा ८ लाख बढि कित्ता शेयरको खरिद माग थियो ।

त्यस्तै, निफ्राको शेयरमा ५ लाख बढि कित्ता, एनआईसी एशिया ब्यालेन्स फण्डको ४ लाख कित्ता शेयर र महिला लघुवित्तको शेयरमा ३ लाख बढि कित्ताको शेयर माग थियो ।