म्यानमार घटनाप्रति नेपाल सरकारको गहिरो चासो

२३ चैत, काठमाडौं । परराष्ट्रमन्त्री प्रदीप ज्ञवालीले म्यानमारमा विकसित घटनाप्रति नेपाल सरकारको गहिरो चासो रहेको बताएका छन्।सोमबार प्रतिनिधिसभामा सांसदहरुले उठाएको प्रश्नको जवाफ दिँदै उनले म्यानमारबारे सरकारको गहिरो चासो र चिन्ता रहेको बताएका हुन्।

ज्ञवालीले म्यानमारमा सेनाले शासन हातमा लिएर नेताहरुलाई नियन्त्रणमा लिएपछि सरकारले आफ्नो धारणा विज्ञप्तिमार्फत सार्वजनिक गरेको बताए। उनले भने, ‘म्यानमारबारे गम्भीर छौं। म्यानमारका विषयमा नेपाल सधैं लोकतन्त्र, मानव अधिकार र विश्व शान्तिका मामिलामा प्रष्ट छ।’