उच्च र न्यून शेयरमूल्य भएका लघुवित्त कम्पनी

२३ चैत, काठमाडौं । शेयरबजारमा दिनदिनै नेप्सेले नयाँ रेकर्ड कायम गरिरहेको छ । साताको तेस्रो कारोबार दिन नेप्से परिसूचक हालसम्मको उच्च विन्दूमा पुग्न सफल भएको हो ।

मंगलबार नेप्से परिसूचक १५ दशमलव ७२ अंकले बढेर २६७४.४६ बिन्दुमा पुगेको छ । बजार बन्द हुँदाको नेप्से परिसूचकको यो बिन्दु हालसम्मकै उच्च हो । यसअघि फागुन ९ गते २६४०.३१ अंकले बढेर शेयर बजारले नयाँ रेकर्ड राखेको थियो ।

यतिबेला पुँजीबजारमा ठूलो संख्यामा आईपीओ भित्रिइरहँदा लगानीकर्ता पनि बढिरहेका छन्, जसले गर्दा सामान्य लगानीकर्ताको भीड प्राथमिक बजारमा मात्र नभएर दोस्रो बजारमा पनि उल्लेख्य देखिन्छ ।

यही भीडभाडमा सामान्य कम्पनीहरूको पनि शेयरमूल्य उचालिरहेका बेला छ। अधिकांश लघुवित्त कम्पनीको शेयरमूल्य १५ सय देखि २५ सय रुपैयाँमा खरिद बिक्री भइरहेको छ ।

आइतबारसम्म तीन लघुवित्त कम्पनीको प्रतिशेयर एक हजार कममा खरिद बिक्री भइरहेको छन् । भने आठ लघुवित्त कम्पनीको शेयर २ हजार बढि मूल्यमा खरिद बिक्री भइरहेका छन् ।

लघुवित्त कम्पनीले राम्रो लाभांश दिने भएकाले लघुवित्तको शेयरमा उच्च माग देखिने गरेको छ । प्राय लगानीकर्ताले आफुले लगानी गर्ने कम्पनीबाट राम्रो मूनाफा आशा गरि लगानी गर्ने गरेका हुन्छन् ।

जसकारण राम्रो लाभांश पाउने मनासमयका साथ लगानीकर्ता राम्रो कम्पनी लगानी गर्न गर्दछन् । छोटो समयमा राम्रो प्रतिफल पाउने मम्पनीको रुपमा पनि लघुवित्तलाई हेर्ने गरेको पाइन्छ । आज एक हजार भन्दा कममा कारोबार भइरहेका र २ हजार शेयरमूल्यलाई आधार मानेर यो रिपोर्ट तयार पारिएको छ ।

एक हजार कम शेयरमूल्य भएका लघुवित्त कम्पनी

नेप्सेमा सूचीकृत कम्पनीमध्येमा महिला लघुवित्तको शेयरमूल्य न्यून रहेको छ । लघुवित्तले भर्खरै मात्र नेप्सेमा शेयर सूचीकृत गरेको थियो । त्यस्तै, आरएसडीसी र एनआईसी एसशया लघुवित्त कम्पनीको शेयर एक हजार कम मूल्य रहेको छ ।

२ हजार बढि शेयरमूल्य भएका लघुवित्त

हाल ८ लघुवित्त कम्पनीको प्रतिकित्ता २ हजार देखि ४ हजार ५ सय रुपैयाँसम्म शेयरमूल्य रहेको छ । हाल सबैभन्दा बढि जनउत्थान लघुवित्त कम्पनीको प्रतिकित्ता शेयरमूल्य करिब ४५ सय रहेको छ। त्यस्तै नेशनल माईक्रोफाइनान्सको शेयरमूल्य उच्च रहेको छ ।