आज प्रचण्ड रुकुम पश्चिम जाने

२४ चैत, काठमाडौं । माओवादी केन्द्रका अध्यक्ष पुष्पकमल दाहाल ‘प्रचण्ड’ रुकुम पश्चिम जाने भएका छन् । जिल्लाको सदरमुकाम खलंगामा हुने माओवादीको जनसभालाई सम्बोधन गर्न प्रचण्ड र स्थायी कमिटी सदस्य जनार्दन शर्मा ‘प्रभाकर’ले सम्बोधन गर्नेछन् ।

नेकपा माओवादी केन्द्रले जनआन्दोलन दिवसको अवसर पारेर पश्चिम रुकुममा जनसभा आयोजना गर्दै छ । सो सभालाई ‘आर्थिक समृद्धि तथा सामाजिक रुपान्तरणका लागि जनप्रशिक्षण कार्यक्रम’ नाम दिइएको छ । जनसभालाई सम्बोधन गर्न आज प्रचण्ड मध्याह्न १२ बजे सभास्थलमा पुग्ने छन । कार्यक्रममा साँस्कृतिक झाँकीसमेत प्रस्तुत गरिने छ ।