सरकारी कागजात किर्ते आरोपमा वकिल पक्राउ

२४ चैत,काठमाडौं । काठमाडौंबाट सरकारी कागजात किर्ते गरेको आरोपमा प्रहरीले एक जना वकिललाई पक्राउ गरेको छ। पक्राउ पर्नेमा भक्तपुर चाँगुनारायण घर भएका वकिल बद्रिप्रसाद पौडेल रहेका छन् ।

उनीविरूद्ध हेटौंडास्थित एक कम्पनीले २०७५ सालमै जाहेरी दिएको थियो। जाहेरीपछि पौडेल फरार भएका थिए। उनले ९ कठ्ठा ३ धुर जग्गाका कागजातहरू किर्ते गरी बेचेको भन्ने आरोप छ। उनीमाथि प्रहरीले जिल्ला अदालत मकवानपुरबाट म्याद थप गरी थप अनुसन्धान गरिरहेको छ।