रुरुको आईपीओमा प्रिमियम तिर्दा पनि ९७ प्रतिशतले आवेदकले शेयर नपाउने संभावना

२४ चैत, काठमाडौं । रुरु जलविद्युतले सर्वसाधारणमा विक्रीमा ल्याएको आईपीओमा प्रिमियम तिर्दा पनि ३ प्रतिशतले भन्दा धेरै व्यक्तिले शेयर नपाउने संभावना देखिएको छ ।

आवेदन दिने समयसीमा सक्किएपछिको प्रारम्भिक तथ्यांक अनुसार १० कित्ताका दरले शेयर वितरण गर्दा ३७ हजार ९१६ जनाले मात्रै शेयर पाउने देखिएको हो । समयसिमा सकिएसँगै आज साँझसम्ममा करिब ६२ गुणा धेरै आवेदन परेको जानकारी दिइएको छ।

बिक्री प्रबन्धक एनएमबि क्यापिटलको अनुसार १६ लाख ६९ हजार १९ आवेदनबाट २ करोड ३३ लाख ९० हजार ९० कित्ता शेयर खरिदको लागि आवेदन परेको छ । जुन कम्पनीले सर्वसाधारणमा विक्रीमा ल्याएको शेयरको ६१.६८ गुणा भन्दा धेरै हो ।

प्रारम्भिक तथ्यांक अनुसार रुरु जलविद्युत परियोजनाले जारी गरेको शेयर २–३ प्रतिशतले मात्रै पाउने अनुमान गरिएको छ । गत चैत २० गतेदेखि प्रतिशेयर १०० अंकित मूल्यमा २० रुपैयाँ प्रिमियम थप गरी कुल १२० रुपैयाँमा ४ लाख ७ हजार ७०६ कित्ता शेयर बिक्रीमा ल्याएको थियो ।