तराई र पहाडी भू-भागका केही स्थानमा तुवाँलो

२६ चैत, काठमाडौं । जल तथा मौसम पूर्वानुमान महाशाखाले अगामी २४ घण्टा मुलुकको तराई र पहाडी भू-भागका केही स्थानमा तुवाँलो कायमै रहने जनाएको छ ।

मौसम पूर्वानुमान महाशाखाका अनुसार हाल देशमा स्थानीय वायुको तथा पश्चिमी वायुको आन्शिक प्रभावका साथै नेपाल भन्दा दक्षिणमा बनेको तल्लो वायुमण्डलीय न्युन चापिय प्रणालीको पनि प्रभाव रहेको छ।

महाशाखाको मौसमी बुलेटिन अनुसार तुवाँलोका साथै पहाडी भू-भागमा आंशिकदेखि सामान्य बदली रहने र प्रदेश १ का पहाडी भू-भागका थोरै स्थानमा मेघगर्जनरचट्याङको सम्भावना रहेको छ ।