सलमानले भने लकडाउन बढ्यो भने ‘राधे’ अर्को बर्षको इदमा

काठमाडौं । बलिउड नायक सलमान खान अभिनित चलचित्र ‘राधे’ मे महिनाको १३ तारिखबाट रिलिज हुँदै छ । तर अहिले भारतमा दैनिक १ लाख भन्दा बढी कोरोना संक्रमित देखिन थालेका छन् ।

नायक सलमान खानले हालै दिएको एक अन्तरवार्तामा महाराष्ट्रमा अप्रिल ३० सम्म लागू गरिएको रात्रीकालिन लकडाउन बढेको खण्डमा चलचित्र पोष्टपोन्ड गर्ने बताएका छन् । उनले, यदि मानिसहरुले मास्क लगाएनन्, सरकारले दिएको निर्देशन पालना गरेनन् भने भारतमा कोरोना संक्रमितको संख्या बढ्ने पनि बताए ।

सलमानले अप्रिल ३० सम्मको लकडाउन र कोरोना संक्रमितको संख्या हेरेर चलचित्र रिलिज के गर्ने भन्ने बिषयमा निर्णय हुने बताएका छन् । सलमानले यदि यो बर्षको इदमा चलचित्र रिलिज हुन सकेन भने अर्को बर्षको इदमा रिलिज गर्ने पनि बताएका छन् ।

कोरोना कै कारण यसअघि अक्षय कुमारको मुख्य भूमिका रहेको चलचित्र ‘सूर्यवंशी’को रिलिज डेट पोष्टपोन्ड भैसकेको छ ।