बजारमा अपर तामाकोशी हाइड्रोपावर र चन्द्रागिरिको सर्वाधिक शेयर खरिदबिक्री

२६ चैत, काठमाडौं । बिहीवार कारोबारको दोस्रो घण्टामा नेप्से परिसूचक ८ दशमलव शून्य ५८ अंकले बढेर २ हजार ६८५ दशमलव ६७ विन्दुमा पुगेको छ । यस अवधिमा परिसूचक शून्य दशमलव १६ प्रतिशतले बढेको हो ।

दोस्रो घण्टाको अवधिमा २०० ओटा कम्पनीको २ अर्ब ३५ करोड बराबरको शेयर खरीदविक्री भएको छ ।

कारोबारको दोस्रो घण्टामा एनआईसी एशिया लघुवित्त र श्री यन्भेष्टमेन्ट फाइनान्सको शेयरमूल्य ९ दशमलव ९४ र ९ दशमलव शून्य २ प्रतिशतले बढेको छ ।

यस अवधिसम्म अपर तामाकोशी हाइड्रोपावरको सर्वाधिक कारोबार भएको छ । उक्त कम्पनीको  २२ करोड ७८ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य  ९०७ मा कारोबार भइरहेको छ ।