अब बजारमा कुन–कुन कम्पनीको आईपीओ आउँदै ?

२६ चैत, काठमाडौं । बजारमा १६ कम्पनीको आईपीओ निष्कासन हुने भएको छ । १६ वटा कम्पनीले ५ अर्ब ५५ करोड ४२ लाख ६८ हजार ५०० बराबरको ५ करोड ८८ लाख ४२ हजार ६८५ कित्ता आईपीओ निष्कासन गर्ने भएका छन् ।

यतिबेला यी १६ वटै कम्पनीले आईपीओ निष्कासन गर्न नियामक निकाय नेपाल धितोपत्र बोर्डमा निवेदन दिएका छन् । बोर्डले निष्कासन स्वीकृती दिएपश्चात यी कम्पनीले आईपीओ निष्कासन गर्नेछन् ।

कुन–कुन कम्पनीको आईपीओ आउँदै

आईपीओ निष्कासन गर्नेमा ११ ओटा जलविद्युत् कम्पनी, दुई ओटा लघुवित्त कम्पनी र दुई ओटा अन्य समूहका रहेका छन् ।

पछिल्लो समयमा आईपीओमा लगानीकर्ताको आकर्षण बढ्दै गएको छ । छोटो समयमा नै थारै लगानीबाट आर्कषक प्रतिफल प्राप्त हुनाले पनि आईपीओ प्रति लगानीकर्ताको आकर्षण बढेको हो ।

किन भर्ने आईपीओ ?

पछिल्लो समय नेपालको पूँजीबजारको इतिहासमै सबैभन्दा ठूलो आईपीओ निष्कासन गरेको नेपाल इन्फ्रास्ट्रक्चर बैंक रहेको छ । यस कम्पनीले आईपीओ निष्कासन गरेपछि डिम्याट खाताको संख्या ह्वात्तै बढेको छ ।

कति पुग्याे डिम्याट खाताको संख्या ?

यस कम्पनीको आईपीओ १५ लाख लगानीकर्ताले भरेका थिए भने अहिले आईपीओ भर्ने मात्र लगानीकर्ता १८ लाखभन्दा बढी रहेका छन् । आजसम्म डिम्याट खाताको संख्या ३३ लाख ५३ हजार ५९ पुगेको छ । यो वर्ष १२ ओटा कम्पनीले ३१ करोड ९९ लाख १७ हजार ९६५ कित्ता आईपीओ निष्कासन गरेका छन् ।

आईपीओ निष्कासन गर्ने तयारी गरेका कम्पनीहरु: