वैशाख ६ र ७ मा भिटामिन ‘ए’ कार्यक्रम सञ्चालन हुँदै

२६ चैत,काठमाडौं । सरकारले बालबालिकालाई खुवाउने भिटामिन ‘ए’ कार्यक्रम सञ्चालन गर्दै छ । स्वास्थ्य तथा जनसंख्या मन्त्रालयले वैशाख ६ र ७ गते देशभर भिटामिन ए कार्यक्रम सञ्चालन गर्दै छ ।

मन्त्रालयका अनुसार ६ देखि ५९ महिनाका बालबालिकालाई भिटामिन ए क्याप्सुल खुवाइँदै छ भने १ देखि ५ वर्षसम्मका बालबालिकालाई जुकाको औषधि खुवाइँदै छ ।

६ देखि २३ महिनाका बालबालिकालाई बहुसुक्ष्म पोषक तत्व बालभिटा कार्यक्रम लागू भएका जिल्लामा वितरण समेत गरिने छ । कोरोना भाइरस कोभिड—१९ को संक्रमण बढ्दै गएकाले सुरक्षा सावधानी अपनाएर अभियान सञ्चालन गर्न मन्त्रालयले निर्देशन दिएको छ ।