ओलीको चेतावनी: फेरि लकडाउन गर्न नपरोस् नि !

२७ चैत, काठमाडौं । प्रधानमन्त्री केपी ओलीले कोरोनाको दोस्रो लहरले फेरि जनजीवन आक्रान्त हुन सक्ने भन्दै स्वास्थ सावधानी नअपनाएमा हुने सम्भावित खतरा औंल्याए । आज राजधानीमा आयोजित एक कार्यक्रममा उनले स्वास्थ सावधानी नपनाए फेरि लकडाउनको अवस्था आउनसक्नेतर्फ संकेत गरेका थिए ।

कोरोनाको दोस्रो लहर फेरि सुरु भएको छ, त्यसैले सबै सावधान हुनुपर्छ भन्दै उनले मास्कको प्रयोग, स्यानीटाइजर र साबुन पानीले हात धुने काम अझै बढी गर्न सल्लाह दिए । त्यतिले नपुगे बेसार पानी पनि खान प¥यो – उनले सुझाए ।

ओलीको यस्तो भनाईले कतै सरकार फेरि पनि कोरोना संक्रमणलाई राजनीतिक फण्डा बनाउने दाउमा त छैन भन्ने प्रश्न उब्जिएको छ । जब जब ओली राजनीतिक रुपमा कमजोर हुन्छन् त्यति बेला यस्तै प्रकरण झिकेर विषान्तर गर्न खप्पिस छन् ।

कतै यही निहुँमा आफ्नो दुनो सोझ्याउने उनको प्रयत्न त होइन भन्ने पनि आशंका उब्जिएको छ ।