संक्रमण बढेसंगै विद्यालय बन्द गर्न मन्त्रालयको सिफारिस

२७ चैत,काठमाडौं । कोरोना भाइरस संक्रमण बढेसंगै स्वास्थ्य तथा जनसंख्या मन्त्रालयले विद्यालय बन्द गर्न सिफारिस गरेको छ । संक्रमण दर थप बढ्न सक्ने भन्दै मन्त्रालयले भीडभाड हुने क्षेत्र बन्द गर्न सिफारिस गरेको हो ।

दोस्रो लहरको कोरोना भाइरस महामारी आएको र थप फैलन सक्ने भएकोले सावधानी अपनाउन लागिएको मन्त्रालयले जनाएको छ । विद्यालयलगायत भीडभाड हुने अन्य क्षेत्र सिनेमा हल, रेन्टुरेन्ट, पार्टी प्यालेस बन्द गर्न मन्त्रालयले सिफारिस गरेको छ ।

केही महिनादेखि विद्यार्थी भौतिक रूपमा उपस्थित भएर विद्यालय र क्याम्पसमा पठनपाठन हुँदै आएको थियो । पछिल्लो समय नेपालमा कोरोनाको दैनिक संक्रमण बढ्दै गएको छ।