संरक्षित वन्यजन्तु रेड पाण्डाको छालासहित ४ जना पक्राउ

२७ चैत, बाँके । बाँके प्रहरीले संरक्षित वन्यजन्तु रेड पाण्डाको छालासहित ४ जनालाई पक्राउ गरेको छ । कोहलपुर नगरपालिका-११ बसपार्कस्थित लालिगुराँस होटलबाट २ थान संरक्षित वन्यजन्तु रेड पाण्डाको छालासहित रोल्पा सुनछहरी गाउँपालिका-१ बस्ने ३२ वर्षीय खिमानसिंह रोका मगरसहित ४ जनालाई बिहीबार राति प्रहरीले पक्राउ गरेको हो

विशेष सूचनाको आधारमा जिल्ला प्रहरी कार्यालय बाँकेबाट खटिएको प्रहरीले उक्त होटलको ७ नम्बरको कोठा तलासी गर्ने क्रममा उनीहरुलाई उक्त छाला सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।