यो साता शेयरबजारमा यी कम्पनीको शेयरमा देखियो खरिदकर्ताको उच्च चाप ?

२७ चैत, काठमाडौं । साताको अन्तिम कारोबार दिन बिहीबार नेप्से सामान्य अंकले बढेको हो । बिहीबार नेप्से परिसूचक २ दशमलव ७४ अंकले बढेर २६७४.३५ विन्दूमा पुगेको छ । नेप्सेले यो साता उच्च विन्दू कायम गरेको थियो ।

सातामा नेप्सेले उच्च विन्दू कायम गर्दा एनआईसी एशिया लघुवित्त, नेपाल इन्फ्रास्ट्रक्चर बैंक, ज्योति लाइफ इन्स्योरेन्स र महिला लघुवित्तको शेयरमा खरिदकर्ताको उच्च चाप परेको हो ।

ज्योति लाइफ इन्स्योरेन्स

भर्खरै मात्र नेप्सेमा आईपीओ सूचीकृत गरेको ज्योति लाइफको कारोबार सातामा दुई दिन मात्र कारोबार भयो । कम्पनीले मंगलबार नेप्सेमा २ करोड २० लाख कित्ता आईपीओ सूचीकृत भएको हो ।

सूचीकृत भएसँगै कम्पनीको शेयर दोस्रो बजारमा बुधबारदेखि कारोबारमा सुरु भएको हो । पहिलो कारोबारको लागि नेप्सेले ३६० ओपन रेञ्ज पाएको हो ।

नेप्सेमा कम्पनीको कारोबार सुरु भएको दिन ५ दशमलव ८३ प्रतिशतले बढेर २१ रुपैयाँले बढेर ३८१ रुपैयाँ पुगेको छ । सोही दिन कम्पनीको शेयरमा करिब २१ लाख कित्ता शेयरमा खरिद माग आएको छ ।

त्यस्तै बिहीबार बजार खुलेको पहिलो घण्टामै कम्पनीको शेयरमा १० लाख बढि खरिद माग आएको थियो ।

कारोबार बन्द हुने समयमा कम्पनीको शेयरमा उच्च माग देखिएको थियो । ३६० रुपैयाँबाट सुरु भएको कम्पनीको कारोबार अन्तिम कारोबार दिनसम्ममा ६६ रुपैयाँले बढेर प्रतिकित्ता ४२६ रुपैयाँ पुगेको छ ।

एनआईसी एशिया लघुवित्त

यो साता शेयरबजारमा एनआईसी एशिया लघुवित्तको शेयरमा उच्च खरिद माग देखिएको हो । यो साता कम्पनीको शेयर शेयरमा उच्च आईतबारदेखि बिहीबारसम्म करिब ८० लाख कित्ता बढिको शेयर माग आएको हो ।

लघुवित्तले हालैमात्र स्वदेशी लघुवित्त वित्तीय संस्थालाई गाभेर एकीकृत कारोबार शुरु गरेको हो । जसपश्चात लघुवित्त शेयर खरिदकर्ताको चाप लागेको हो ।

साताको पहिलो कारोबार दिन एक हजार कम शेयरमूल्य भएको कम्पनीको साताको अन्तिम कारोबार दिन सम्म ५३१ रुपैयाँले शेयरमूल्य वृद्धि भएको देखिन्छ । साताको पहिलो कारोबार दिन कम्पनीको प्रतिशेयरमूल्य ८ सय ७४ रुपैयाँ रहेका प्रतिशेयरमूल्य १४०५ रुपैयाँ पुगेको छ ।

नेपाल इन्फ्रास्ट्रक्चर बैंक

यो साता उच्च शेयर खरिद माग पर्नेमा निफ्रा रहेको छ । निफ्राको शेयरमा यो साता करिब ५० लाख बढि कित्ताको खरिद माग परेको हो । यो साताको पहिलो कारोबार दिन बैंकको शेयरमूल्य ५५७ रुपैयाँ रहेकोमा अन्तिम कारोबार दिन सम्म आईपुग्दा प्रतिशेयरमूल्य ५८९ रुपैयाँ पगेको छ ।

महिला लघुवित्त

सातामा केही समय अगाडि आईपीओ निष्कासन गरेको महिला लघुवित्तको शेयरमा पनि उच्च खरिद माग परेको हो ।