चार मन्त्रीले लिए पुन: शपथ

२७ चैत, काठमाडौं । माओवादी केन्द्रले सांसदबाट हटाएका चार मन्त्रीले लिए पुन: शपथ लिएका छन् । पार्टीले सांसदबाट हटाएपछि मन्त्रीबाट पदमुक्त भएका चारजना पूर्व माओवादी नेतालाई साेही जिम्मेवारीमा कायम रहन शुक्रबार पुन: शपथ खुवाइएको हो ।

प्रधानमन्त्री केपी ओलीले मन्त्रीमा पुन नियुक्त गरेका ती चारै जनालाई राष्ट्रपति विद्यादेवी भण्डारीले शितलनिवासमा संविधानको धारा ७८ ‘१’ अनुसार शपथग्रहण गराएकी हुन्।

शपथ गराइएका मन्त्रीहरुमा ऊर्जा, जलस्रोत तथा सिँचाइमन्त्रीमा टोपबहादुर रायमाझी, उद्योग, वाणिज्य तथा आपूर्तिमन्त्रीमा लेखराज भट्ट, शहरी विकासमन्त्रीमा प्रभु साह र श्रम रोजगार तथा सामाजिक सुरक्षामन्त्रीमा गौरीशंकर चौधरी छन्।