शेयरबजारमा एक दर्जन बढी न्यून शेयरमूल्य भएका कम्पनी, कुनको प्रतिकित्ता शेयरमूल्य कति ?

२७ चैत, काठमाडौं । शेयरबजारमा दिनदिनै नेप्सेले नयाँ रेकर्ड कायम गरिरहेको छ । यो साता नेप्से परिसूचक हालसम्मको उच्च विन्दूमा पुग्न सफल भएको हो ।

यतिबेला पुँजीबजारमा ठूलो संख्यामा आईपीओ भित्रिइरहँदा लगानीकर्ता पनि बढिरहेका छन्, जसले गर्दा सामान्य लगानीकर्ताको भीड प्राथमिक बजारमा मात्र नभएर दोस्रो बजारमा पनि उल्लेख्य देखिन्छ ।

यही भीडभाडमा सामान्य कम्पनीहरूको पनि शेयरमूल्य उचालिरहेका बेला कयै यस्ता कम्पनी छन्, जसको शेयरमूल्य अझै पनि न्यून छ ।

यतिबेला १४ कम्पनीको शेयरमूल्य एक सयदेखि २ सय रुपैयाँ कममा कारोबार भइरहेको छन् ।

प्राय जुन कम्पनीले राम्रो लाभांश दिने गरेका छन्, त्यस्ता कम्पनीको शेयर लगानीकर्ता उच्च माग गर्ने गर्दछन् । शेयरबजारमा राम्रो लाभांश दिने इन्सयोरेन्स र लघुवित्त कम्पनीको शेयरमा उच्च माग देखिने गरेको छ ।

लगानीकर्ताले राम्रो रिर्टन पाउने मनसायका साथ लगानीकर्ताले राम्रो कम्पनीमा लगानी गर्ने गर्दछन् । तर पछिल्लो समय बजारमा कर्नरिङले गर्दा राम्रो मुनाफा दिन नसक्ने कम्पनीको शेयरमूल्यमा दैनिक सर्किटसहित कारोबार भइरेको छ ।

 दुई सय कम शेयरमूल्यमा कारोबार भइरहेका कम्पनी